يا وطن حييت بالخيـر و عيـون الصبايـا
ما بعد عزتـك عـزه و لا بعـدك رفاعـه
و الله إن الشعر يآتي على عـذب السجايـا
كل مـا ابحرنـا لعينـك و فلينـا شراعـه
فإن كتبنا عن عطايـاك يـا سيـد العطايـا
مزبن اللي ظامه الوقت و أظنتـه المجاعـه
و إن كتبنا عن مزايـاك يـا كثـر المزايـا
يكفي إن النور منـك مـلا الدنيـا شعاعـه
قادك رجـال ٍ ليـا وقفـت سـوّت سوايـا
نسل شيخ ٍ ما تقاصر على الطـولات باعـه
علمونـا أن الوطـن دم و رجالـه خلايـا
و إن من يرخص دمه ما على وجهه شفاعه
يا وطن لا عـز شعـب ٍ تروعـه المنايـا
و المنايا دون حـدك لنـا حـق ٍ و طاعـه
قربوا منـا الدهايـا وحـن سـاس الدهايـا
ما ربينا في ترابك علـى غيـر الشجاعـه
و الحسود اللي حكا فيـك شغلـه بالحكايـا
هذي أطباعه و إذا ودك ، نغيّر أطباعـه !!
من بلانا راح مـا عـاد مـن عـزه بقايـا
قام مـن هجعـة منامـه يـدوّر للفراعـه
يا وطنـا والله إنـا علـى صـدق النوايـا
من تقوّت لك ذراعه كسرنا لـه ذراعـه !!
و البشر مـا تجهـل النـا إذا جينـا فدايـا
نقلب الدنيا على راسها في نصف ساعـه !!
دام حبـك فـي دمانـا و يلعـب بالحنايـا
والله إن تبقى على عز و امجـاد و مناعـه
قالوا إنا بدو ؟! قلنـا علـى روس البرايـا
بدو نعرف نقطع الراس ! لا حان إنقطاعه !!
و إن بغينا ، شمّخ الروس نجعلهـا وطايـا
ما على الأرض مثل السعـودي و إرتفاعـه
يا وطن حييت بالخيـر و عيـون الصبايـا
ما بعد عزتـك عـزه و لا بعـدك رفاعـه

بارك الله فيك

بارك الله فيك